أنت مصرى.. ملكشى انتخابات عندنا

أنت مصرى.. ملكشى انتخابات عندنا
858

[b]بقلم : ( م . ع )[/b]

يعنى إيه انتخابات نزيهة.. يعنى إيه صوتى يبقى له قيمة.. يعنى صوتى هو اللى هينجح المرشح اللى انا عايزه.. يعنى صوتى اللى هيحارب الفساد.. والرشوة والمحسوبية ؟؟.. كلنا بنسأل نفسنا نفس السؤال دا ؟؟

الإجابة :: ايوه صوتك له قيمة صوتك يعنى مستقبلك.. صوتك يعنى حياتك فى أمان.. صوتك يعنى مستقبل أولادك.. صوتك يعنى أولادك يتعلموا كويس.. صوتك يعنى أولادك يلاقوا شغل.. تعليم.. صحة.. مستشفى كويسه.. علاج كويس.

طيب دا هيتحقق ازاى.. وانت قاعد فى البيت.. وانت ساكت على الفساد.. عايز يبقى ليك قيمة فى المجتمع.. عايز يبقى ليك حرية رأى.. عايز تشارك فى الانتخابات وتختار المرشح اللى انت عايزه مش اللى الحزب الوطنى عايزه.

علشان نضمن نزاهة الانتخابات لازم كلنا نبقى يد واحدة ضد التزوير.. علشان تبقى انتخابات نزيهة.. عايزين انتخابات بالرقم القومى.. مش بالبطاقة الانتخابية.. عايزين قاضى على كل صندوق.. مش قاضى لكل لجنة.. عايزين إشراف من منظمات المجتمع المدنى.. مش عايزين حرامية على الصناديق.

وكل دا مش هايجى وانت ساكت وراضى بالذل والعار.. بلاش تقول انا مالى.. لا دا مالك اللى انت بتدفعة من جيبك علشان الضرايب.

متخفش الحق معك.. دا حقك اللى شرعة الدستور مش الحزب الوطنى.

علشان تبقى انتخابات نزيهة.. لازم يبقى فى ضمانات.. والضمانات مش هاتيجى وانت ساكت لازم تشارك وتعرف حقك.. وتعرف تعيش بحرية.. لازم نفضح الحزب الوطنى.. ونقوله اننا شعب حر.. شعب مش عبيد.

وعلشان كدا شباب 6 ابريل هيقولوا لك يعنى ايه انتخابات نزيهة وتبقى مواطن حر فى بلدك ازاى .. شارك شباب 6 ابريل فى مؤتمر ( ضمانتنا وانتخاباتهم ) يوم 10 نوفمبر 2010 .

شارك.. برأيك.. بصوتك

علشان مستقبلك.. ومستقبل أولادك

ومستقبل أفضل لمصر

أنت الحكم.. وأنت اللاعب.. هتشارك وتجيب حقك ؟؟

تعليقات

Loading...

قد يعجبك ايضا