أهلا بيكم فى مصر المنحوسة – بقلم خالد عواد

أهلا بيكم فى مصر المنحوسة - بقلم خالد عواد
880

اليوم كان أول يوم فى الدورة التدريبة فى الشغل وبما إننا فى مصرنا الحبية فكانت دورة عجيبة تمام زى كل حاجة بتحصل فى البلد أولا:منظر داخلى الضيوف كلهم من خارج الاقطار المصرية

منظر داخلى:
رئيس القسم يبدأ فى تشغيل الكمبيوتر لعرض البوربيونت تخيلوا المفاجأة الكمبيوتر ساقط ويندوز بقالة 5شهور لم يتم تشغيلة بالمرة …طب يعنى مش عارفين يجربوة قبل الندوة بدل مايفضحونا قدام الاجانب لا وللأمعان فى الفوضى ماحدش من الدكاترة الكبار جاب اللاب بتاعة الى ممكن يكون علية شغل القسم طيب خلاص بلاة الكمبيوتر خالص ونرجع للعصور الوسطى .الجو حار جدا التكيف طبعا بايظ خلاص بلاش تكييف دى حتى مضر بالصحة والله العظيم المروحة أشتغلت نص ساعه وجاتلها سكتة هوائية خلاص كل دة مقدور علية وبيحصل فى أحسن العائلات لكن الى مابيحصلشى الا عندنا احنا الشكلة الى حصلت أيوة شكلة لان الحضور كانوا منقسمين شوية حكومة وشوية معارضة الدكاترة بتوع المعارضة قاموا قالوا ان الكلام دة مابيحصالشى فى مصر وأن دة تجمل ,ان سياسات الوزارة كلها غلط واللحكومة ودت البلد فى داهية والجماعه المطبلاتية قالوا ياجماعه كله تمام وكل المناهج والدراسات جاءت بنتائج مرضية بالظبط زى ماقال الكتاب دخلوا فى بعض والناس الغرب مستعجيبن على الى بيحصل ومش عارفين أية الشيزوفرنيا دى معقولة الأتنين دول بيتكلموا عن بلد واحد ومكان واحد المهم حصل اية ياخونا زى مابيحصل اليومين دول فى الصحف والقنوات الفضائية حصل تعتيم كامل ورئيس القسم قام قال ياجماعه لو سمحتوا مافيش أسئلة ولا مناقشات الا بعد أنتهاء الدكاترة من المحاضرة وطبعا سكتنا وبعد المحاضرة ماخلصت خدوا ديلهم فى سنانهم وقالوا يافكيك وطبعا مافيش اى حاجة اتناقشت ولا يحزنون والجماعه الخوجات قالوا توبة مندى النوبة

منظر خاجى :جارج بقى قاعه المحاضرات حصل شكل تانى أزاى انت تقول كدة انت عاوز تحرجنى والتانى يقولة ياعم طظ فى الوزارة وقلهم انى بقول كدة قلت فى سرى والله الدكتوردة راجل بجد وعدى اليوم بسلام بس أفتكرت كلمة نور الشريف وفى فيلم اليبى دول أهلا بيكم فى العالم الثالث

تعليقات

Loading...

قد يعجبك ايضا