شباب 6 ابريل
من حق جيلنا أن يجرب فإما أن ينجح و إما أن يقدم تجربة تستفيد منها الأجيال

إقتحام قوات أمن الدولة لمنزل طالبة بجامعة عين شمس بحثا عن توكيلات

5٬833

إقتحمت قوات من مباحث أمن الدولة منزل الطالبة مها الخضراوى الطالبة بكلية التجارة جامعة عين شمس وفتشتها تفتيشا دقيقا.

فوجئت مها باتصال هاتفى تبلغها فيه امها باقتحام عدد 2 من أمن الدولة منزلهم وسؤالهم عن مكان مها وعندما انكرت الام معرفتها بمكان ابنتها تم دفعها بقوة نتج عنها كسر يد الام كما قاموا بالاعتداء على اخيها الصغير.

وقد تم تفتيش غرفة مها ومصادرة عدد من الكتب والاوراق الخاصة بها بالاضافة الى تهديد الام بانه سيتم القبض على مها.
هذا وقد اعربت مها في تدوينة خاص بها عما حدث قائلة:-
[color=663300]
بجد مش عارفه اكتب ايييييييييه؟
امبارح 20-3 و بدل ما اجيب لماما هديه عيد الام جبتلها امن الدوله فى البيت
كنت فى الجامعه عى زى اى يوم سبت و كنا شغالين فى التوقيعات عشان ال 3 بنود الموجودين فى الدستور
لقيت ماما بتصل و منهاره و بتسال انا فين و باعمل ايه و مع مين
المهم ان بعد كده حكت اللى حصل بالتفصيل هو دا
الباب خبط – مين – انا صلاح (البواب) – فتحت قام اتنين ظباط مسلحين زقو الباب و دخلو يسألو فين مها

قالتلهم مها مين؟؟ قالولها اسمى بالكامل – قالتلهم خرجت – فين – معرفش فى لشغل ولا فى الجامعه – فين شغلها؟؟ – معرفش فى مصر الجديده ولا فين – قامو خبطوها بالسلاح اللى فى ايديهم فوقعت على الكنبه و خبطو اخويا الصغير فى راسه و سالو فين غرفتى و دخلو فتشوها و حركو كل حاجه من مكنها و السراير و المكتب و كله
و اخدو ورق كان معايا فى شنطتى لاكتر من جهه
و قالولها هنجيبها يعنى هنجيبها
و سابوها فى حاله انهيار كامل و دراعها مكسوووور و مشيو
بعد شويه بابا عرف و كلم عمى ( هو ليه معارف كتييير فى امن الدوله و الاقسام ) و كلمو كل اقسام البوليس و المباحث الموجوده حوالينا لقو ان الامر مش من قسم من الاقسام و المباحث اللى فى اى منطقه حوالينا

مين دووووول؟
خدو الامر من ميييييييييين؟
ليه مش اخدونى انا على طول بدل الجو دا؟
اشمعنى انا و انا اصلا مش باعمل نص اللى بيعملوة ناس كتيييييييير؟
اللى عنده اى تفسير غير انه مجرد تهويش عشان يخوفونا و يخوفو الناس اللى معايا يقوله
بس على فكره عايزة اقول حاجه
مهما عملو انا هافضل اقول ان حره
و مش بخاف و هاعمل اللى انا عايزاه.
يذكر أن مها عضوه في جمعية طلاب مصر وأنها مستقلة لا تنتمي لتنظيم سياسي.

[/color][img width=300]http://photos-c.ak.fbcdn.net/hphotos-ak-snc3/hs411.snc3/24817_373975398982_188805298982_3690345_4225562_n.jpg[/img]

[img width=300]http://photos-a.ak.fbcdn.net/hphotos-ak-ash1/hs451.ash1/24817_373975403982_188805298982_3690346_3693770_n.jpg[/img]

[img width=300]http://photos-g.ak.fbcdn.net/hphotos-ak-ash1/hs451.ash1/24817_373975413982_188805298982_3690347_2021492_n.jpg[/img]

[img width=300]http://photos-h.ak.fbcdn.net/hphotos-ak-snc3/hs411.snc3/24817_373975418982_188805298982_3690348_6913395_n.jpg[/img]

[img width=300]http://photos-d.ak.fbcdn.net/hphotos-ak-snc3/hs431.snc3/24817_373975703982_188805298982_3690355_3722394_n.jpg[/img]

قد يعجبك ايضا
تعليقات
Loading...