اغضبي .. اشعار احمد المصري

اغضبي .. اشعار احمد المصري
800

ثوري يا مصر واغضبي

احنا اللى ظلمناكي اغضبي

من تحت رجلينا ارضك زلزلي

اقسي علينا يمكن مثل الجدود نعود جربي

اقسي وهسامحك وهفضل فيكي وليكي مهما تعملي

بنقول على طول اننا فى المحنة رجالة

شدي شوية علينا يمكن منطلعش رجالة

ونطلع شوية غثاء شوية عيال وعليكي عالة

قومي من سكونك وانتفضي وقولي للظلم لا واصرخي

انهضي وحاربى جبروت الظلم وكل ظالم دمري

ارجعى من تانى مليكة للكون وام لكل حضارة

منك فى الماضي اتعلم الكون فن البناء والعمارة

بس يا خسارة ولادك دلوقتى لم يصنعوا حضارة

والماضى اصبح مجرد ذكرى وشوية حجارة

حجارة مرمية يجي الخلق من كل مكان لاجل يشهدوها

ولما يجوا يستعجبوا اننا احفاد اللى شيدوها

اصلنا اصبحنا من المتخلفين الاغبياء

واجددنا اللى صنعوا الحضارة اعظم العظماء

وعشان للمجد تانى تعودى

اغضبي

ومن تحت رجلينا ارضك زلزلي

يمكن نرجع تانى نبني ونشيد

يمكن نفوء ونرجع من تاني اذكياء

يمكن نصنع بايدنا حضارة ونرجع نعلم الكون فن البناء

نرجع من تانى منبر للعلم

نرجع من تانى مصنع للعلماء

اغضبي ثوري واغضبي

يمكن نفوء اغضبي

تعليقات

Loading...

قد يعجبك ايضا