الإرهاب الاعلامى المنظم

الإرهاب الاعلامى المنظم
801

كريم عامر
برنامج مصر اليوم على قناة الفراعين انهارده ، جابلى عقدة ، للأسف ارهاب دولة منظم ، مقدم البرنامج توفيق عكاشة المنافق الأول فى الأعلام المصرى الأن ، استضاف مجموعة من شباب الفيس بوك زينا كده مؤسسين جروبات زى 6 ابريل كده ( أسماء محفوظ ) ومعاها شباب أخريين بس المقدم أدار حوار منظم معاهم الغرض منه التقليل من قيمتهم تماماً . بس للحق البنت دى عشرة على عشرة بميت راجل فعلاً ، وأسمعم بقة عن مجازر أمن الدولة مع الشباب دول مهزلة ………

واللى أحبطنى أكتر فقرة تالية لها استضاف فيها ( صفوان محمد ) اللى عمل توكيل للبرادعى فى اسكندرية … حوار من وجهه نظرى يمثل الارهاب الأعلامى الفكرى المنظم بكل ما تحملة الكلمة من معنى … حوار دليل على ان الناس دى هدفها الوحيد هدم اى رمز وامل وحلم للمصريين .. للاسف كان توفيق عكاشة المقدم ناجح جداً فية ، شوفى بقى الخطوات …………… << جاب الشاب فى اخر فقرة بالبرنامج ، ترك له حوالى خمس دقائق اتكلم عن اللى عملة يعنى عمل التوكيل فين وازاى وافق الشهر العقارى على كده وطبعاً طلع كل ده دليل لديموقراطية هذا النظام ان شاب مصرى بيعمل توكيل زى ده >> ، << وبعدين استقبل مجموعة تليفونات منظمة جداً ، تخيلم معايا ، حوالى 6 مكالمات من مصر وخارجها كلها ضد البرادعى ومع القائد مبارك ، شوفو بقى الأسئلة ، 1- بيقول البرادعى سبب الحرب وتدمير العراق لانة قال ان العراق فيها اسلحة دمار شامل..والمنافق توفيق عكاشة يأكد على كلامة ويقول صح رغم علمة التام ان ده مش مظبوط وان البرادعى فى اخر اجتماع لمجلس الامن اللى كان الغرض منه ان امريكا تحصل على قرار مجلس الامن بحرب العراق وطلبت الدول الاوروبية انها تسمع تقرير البرادعى وهانز بلكس اولاً واللى قال فية البرادعى ان لم تتوصل الوكاله لصحة وجود اسلحة دمار شامل فى العراق حتى الان وانه يحتاج لعدة شهور لاكمال اعمال التفتيش واللى كان هذا التقرير سبب ان مجلس الامن يرفض التصريح بالحرب وان امريكا تخوض الحرب مع حليفتها بريطنيا دون رغبة ومساعدة وموافقة المجتمع الدولى تناسى هذا المنافق كل ذلك ، 2- فى مكالمة اخرى قال اخر انة بعيد عن مصر من اربعين سنة وميعرفش عنها حاجة..والمنافق يأكد على كلامة وكأن ذنب الرجل انه عالم وشخصية دولية مرموقة وان ظروف عملة تجبره على الاقامة خارج مصر وان عمرة مانقطع عنها وكان دائم زيارتها وان اهلة وناسة كلهم مقيمين هنا وانة مش محتاج زى مقال الاستاذ المحترم مقدم الطبعة الاولى على دريم أحمد المسلمانى أكثر من أنه بس يشوف اسبوع واحد برامج العاشرة مساء وواحد من الناس والحقيقة وهو يعرف كل حاجة عن مصر او ينزل يركب تاكسى للعتبة وهو يشوف الفقر والتسول والعشوائيات وغيرة وكمان المحترم عكاشة متكلمش عن مبارك ورجالة اللى عايشين فى القصور والفيلات الفارهه ينعمون ويبرطعون فى خير هذا الشعب واللى لما بيمر واحد منهم فى شارع لازم الشارع يفضى من المارة والسكان وكل شئ _ على فكرة دة حصل امامى اثناء زيارة مبارك لجامعة المنصورة فى افتتاح اسبوع شباب الجامعات عندما كنت طالب بكلية الحقوق منذ عام 2005 تقريباً وكمان اثناء زيارة جمال لعمل ندوة بالكلية _ هم دول بقة اللى عيشين مع الناس وهموم الناس وعارفين مشاكلهم بأمارة اية ، 3- مكالمة ثانية قال ان احنا عاوزين دم جديد شباب يعنى مش عواجيز زى البرادعى..وده كمان عجب المنافق جداً ونسى انه ليلاً ونهاراً يعمل وينتج ويخدم نظام يقودة مبارك صاحب ال 81 عام واللى بعد الدورة الجاية هيكون قرب جداً من ال 90 ودا طبعاً معناه واضح ان جمال مبارك امل الشباب القادم طبعاً يعنى كمان 40 سنه ظلم وقهر وفساد ، وووووغيرة اللى قال ان مينفعش حد تانى يحكم مصر واللى قال ان البرادعى ميعرفش سياسة زى جمال مثلاً اللى متربى مع الريس من ربع قرن فى حكم مصر وتناسم أن البرادعى رجل يمثل دولة بمفرده وهى الوكالة الدولية للطاقة الذرية وان علاقتة السياسية بالدول تفوق علاقة جمال ومبارك بكثير وان مصر مش عزبة يحكمها عائلة مبارك بس مش اى حد تانى >> ، << وبعدين دون ان يترك المجال للشاب صفوان أن يرد على المكالمات ختم الحلقة بحجة ان الوقت قد انتهى .............. هو ده الارهاب بعينة وللأسف صفوان معرفش يرد او يتكلم ومنجحش انه يثبت وجودة وترك واحد زى ده يختم الحلقة منتصراً يختمها وقد حقق غرضة منها وهو انه جاب الشباب المناصرين للبرادعى ووقفو موقف المتفرجين تجاه تلك الاتهامات ولم يستطيعو الرد او النفى هو دة اللى عملة واللى ساعدة فية ضعف الحجة والقوة لدى هذا الشباب وللاسف ان هناك من افراد هذا الوطن من ينساقو وراء هذا الكلام ويصدقوة لانهم لا يعلمون شئ عن السياسة ومنهم المغيب والجاهل والمشغول وغيرة شافو بعينهم مدافعين عن البرادعى اللى هما سامعين عنه كل وحش من رجال الحزب الوطنى بجميع الفضائيات اخفقو فى الدفاع عنه ................ ويلك يا مصر ويا شباب مصر من هذا الأرهاب الأعلامى المنظم ................ ايوجد ارهاب واحباط اكثر من ذلك . إمضاء : المحبط المصمم على أخذ حقة ولو بالقوة

تعليقات

Loading...

قد يعجبك ايضا