شباب 6 ابريل
من حق جيلنا أن يجرب فإما أن ينجح و إما أن يقدم تجربة تستفيد منها الأجيال

الاعلام المزيف

659

[color=CC0000]اسماء محفوظ[/color]

[size=small]في نص ساعة اخذها احمد شوبير في مقدمة برنامج في الملاعب على قناة الحياة بيتكلم فيها على اللي حصل في العريش وعلى معبر رفح وبيوصف مصر بالبيت والرئيس برب الاسرة اللي بيحمي اسرته وقافل على نفسه باب بيته .. ووالفلسطنيين بالحرامية اللي بيدخلو عن طريق المواسير وبيدخلو يخربوا في مصر ويدو لولادنا المخدرات والاسلحة اللي بيخلي حادثة زي نجع حمادي تحصل وغيره وغيره وبيقول اننا عملنا لفلسطين كتيير وهما بيهاجمونا وبيهاجمو مصر وان اللي اسرائيل عملاه فيهم ده نتيجة الخلاف والارهاب اللي بين حماس وفتح … وان جالوي مش بطل ولا حاجة وتاريخه اسود ومهبب ومفصو من حزب العمال البريطاني وعايز يعمل فيها بطل قدام الناس لاغراض سيئة في نفسه وعايز يدخل عنوة من ارض مصر وبيكره العالم كله في مصر وان الفلسطنيين بيقتلو في الجنود المصريين ولازم نحمي نفسنا منهم
[/size]

[size=small]ووصف المعارضة بالغوغاء اللي بتسوء سمعة مصر وبتحارب مصريين زيها وان المعارضة ضد امن مصر القومي وسيادتها
نفس الحرب الاعلامية الكاذبة لتشويه صورة العرب وتوليد الكره في نفوس المصريين لاخواتهم العرب ولقتل القومية العربية ولتمثيل النظام المصري الفاسد والرئيس الخائن بالبطل وليبعد انظار المصريين عن المتهم الرئيسي في جميع حوادث مصر وليكمنها في الفلسطنيين بشكل خاص والعرب بشكل عام لزرع الكره وخلق العدواة بيننا وبينهم
وبيستخدمو فاسدين مثل شوبير وكثير مننا عارف ايه هي حقيقة شوبير وفضايحه وللاسف هما دول وجهتنا في العالم كله
وكل ده عشان يبعد الانظار عن حقيقة النظام المصري والحقيقة هي ان النظام صار خادم الصهاينة وحارسهم
ولتقديم كل فروض الولاء للادارة الامريكية في حمايتها لاسرائيل لكسب رضاهم لابقاء الرئيس في السلطة ونجله من بعده
وللاسف الشديد الاعلام المصري بيستخدم التزوير في الحقائق والتمثيل على الشعب المصري عشان يصدقو ده وبقت الوسيلة الاكبر لاسكات الشعب عن كل الفساد المصري داخليا وخارجيا بعد البلطجة واعتقال وتعذيب كل من يحاول ان يقف امام فساد النظام القائم
وحان الوقت لكل التيارات ولكل الشرفاء استخدام كل وسائل الاعلام البديل لخلق اعلام موازي لفضح كل جرائم النظام ولفت انظار المصريين لكذب الاعلام وتوعيتهم بكل الوسائل الاعلامية والعملية
[/size]

قد يعجبك ايضا
تعليقات
Loading...