شباب 6 ابريل
من حق جيلنا أن يجرب فإما أن ينجح و إما أن يقدم تجربة تستفيد منها الأجيال

تلاتين سنة سكوت .. اشعار احمد المصري

752

الكل مهموم زعلان على حاله بس مكتوم

بنتكلم مع بعضنا بصوت واطي او نتكلم فى سرّنا

بنقول متكتفين و بقبضة من حديد محكومين

يطلع راجل همام من وسط القوم ويقوم وسط الزحام

يقوم يقول ويصرخ بعلو الصوت اتكلموا ثوروا واغضبوا

متخفوش من حاجة اتكلموا كله الا السكوت

لو سكتنا عالجبروت

اكيد من سكوتنا يوم هنموت

ولم يطلع ده الجدع ويصرخ من شدة الوجع

مش بيصرخ من وجعه ده بيصرخ من وجع بلده

برغم الالم واحساس اننا مش بشر احساس

اننا غنم

تلاقى الناس تعمل ودانهم واحدة من طين والتانية من عجين

ويقولوا للجدع اسكت هى مالها البلد

سيبنى فى حالي عاوز اربى الولد

وطول ماحنا ساكتين على الظلم والجبروت هنفضل متهانينن

ومحدش يقول الحمد لله احنا عايشيين

لان الحقيقة اننا ميتيين

متهانين

وبالنسبة للمتقدمين احنا مش بنى ادميين

لازم نكسر الخوف ونتكلم

نثور ونغضب وبصوت عالي نقول اه بنتألم

نحارب بايدنا الجبروت

كفاية تلاتين سنة سكوت

ونقولها للظالم باعلى صوت

هنشيلك من على الكرسي ومش هيمنعنا الا الموت

قد يعجبك ايضا
تعليقات
Loading...