شباب 6 ابريل
من حق جيلنا أن يجرب فإما أن ينجح و إما أن يقدم تجربة تستفيد منها الأجيال

دار الـســلام

742

[b]بقلم: إيمان التونى[/b]

اليوم جمعة و الملائكة مرفرفة بالسلام
و دينا تحيتة اصلا سلام … ووطنا مهد السلام
قررنا نروح دار السلام لجل السلام
رايحين نطرق الابواب بالسلام
رايحين نفك اللجام و نحرر الوطن من السجان
رايحين نكسر القفص و نطير الحمام
رايحين شوية شباب شايلين وسط الضلوع قلوب خضراء
منورة بتنبض بالحنان … عايزة السلام
وكل اللى معانا بيان فية سبع مطالب ضد الظلم و البهتان ومعانا كمان شوية اقلام
بصينا لقينا وشوش مرعبة و دبدبة و خبط و زعيق
و ناس ممسوكة اشتباة افتح يا كابتن شنطتك
و انت امشى قوام ولا مش عايز فى بيتك النهاردة تنام !
و محلات بتقفل البيبان
و صوت قفلها يطرش الودان
اْقفل يا عم دى الدنيا ملبشة
شكل فى مجرمين مستخبيين فى المنطقة
و الحكومة ما بيجيش من ورائها الا الخراب
اصلهم عاملين زى الجراد
بصيت للضباط نظرة اندهاش كل دة علشان البيان !!!!!!!!
و ياترى جايين يقبضوا على الاقلام !!!
لا …….. دول جايين علشان يشدوا اللجام و يقطعوا اللسان
و يتاكدوا ان الحمام فى محبسة لسة مش عارف ينام
جايين يقطعوا البيان و يحرزوا الاقلام
و ينيموا الشباب فى الاقسام
جايين يتاكدوا ان الوطن وسط الظلام لسة غرقان
جايين يحبسوا اللى يحاول يغزل باْيدة الفجر وسط الظلام
قلت طب يمكن يكونوا قرروا يحرروا الاقصى
و يعيدوا مجدنا اللى كان
و الله لو كانوا طلعوا على الحدود
كانوا فتحوا فلسطين و فجاءوا اليهود
و رجعوا الاقصى فى ثوانى مش ساعات
لية كل ما نقول حرية يشهروا فى وشوشنا البنادق
و يطلقوا علينا الاسود ونشوف عساكر
هما لية بيضيقوا الوطن علينا
دى مصر طرحة تسعنا كلنا و تسع مليارات فوقينا
دة احنا كل حلمنا اننا نفرد شراع الوطن
و تبحر سفينة مصر بينا
كل حلمنا الفقراء يشبعوا
و المحروقين و الغرقانين يرجعوا وسطينا يعيشوا مبسوطين
والله العظيم كنا رايحين دار السلام
لجل ما نكسر القفص و نطير الحمام
!!!!! و كل اللى كان معانا بيان و اْقلام

قد يعجبك ايضا
تعليقات
Loading...