رئيس لجنة انتخابية بالشورى فى كفرالشيخ يروى ل 6أبريل مشاهد من تزوير الأنتخابات

رئيس لجنة انتخابية بالشورى فى كفرالشيخ يروى ل 6أبريل مشاهد من تزوير الأنتخابات
1٬254

فى سابقة هى الأولى … خرج احد رؤساء اللجان الفرعية بمحافظة كفرالشيخ عن صمته ليروى ما رأه من تزوير من قبل حزب مبارك.ننشر لكم نص الحوار معه دون تغيير فى الألفاظ حتى

 

[u]بيانات رئيس اللجنة[/u]

الأسم:ا.م.ط
محل الأقامة:م.ح-س-محافظة الغربية
العممل:نائب رئيس وحدة محلية بمحل أقامته
مقر اللجنة الأنتخابية:م ن-ه-كفرالشيخ

[u]بداية الحوار:[/u]

[u]رئيس اللجنة[/u]:أنت بتعمل أيه هنا يابنى؟
[u]عضو6أبريل[/u]:مفيش … حاجة أسمها توقيعات التغيير
[u]رئيس اللجنة[/u]:أه بتاعت البرادعى … مش خايف يابنى
و انت بتجمع توقيعات لواحد أمريكانى زى دا
[u]عضو6أبريل[/u]:اولا هو مصرى … و طبعا مش خايف
[u]رئيس اللجنة[/u]:طب أنا هديك نصيحة ممكن محدش يقولهالك تانى خالص … البلد دى معدش ينفع فيها أصلاح
و اللى الحكومة عايزاه هو اللى بيحصل بتسيبك تجعجع براحتك بس وقت الجد بتديك على دماغك … سيبك من الهبل دا يابنى و أنتبه لمصلحتك لأنك بكره هتندم ع الوقت دا.
[u]عضو6أبريل[/u]:بس أعظم الجهاد كلمة حق عند سلطان جائر
[u]رئيس اللجنة[/u]
بص أنا هحكيلك حكاية بسيطة يمكن تتعظ و بعده أنت حر
أنا كنت رئيس لجنة فى كفر الشيخ … الصبح لف المرشحين جابولنا أحلى فطار … و وصونا ع الصناديق بس أنا مكنتش فاهم قصدهم أيه … و كل حاجة مشيت بشكل طبيعى … و بعدين روحنا للجنة العد و الفرز و كان هناك مراقبين من الأخوان و بره اللجنة ناس منهم و متسلحين بعصيان عشان يحموا اى لعب فى الصناديق … بس فجأة طلب المستشار اللى هناك من الأمن يطلع كل الأخوان بره و ميسيبوش حتى حد حوالين اللجنة … و فى ثانية لقيت البهايم اللى باللبس الأسود مالين الأوضة و بيشيلوا فى المراقبين و يرموهم بره … و طبعا خدوا أحلى ضرب … بس مش دا المهم … بدأ فرز الأصوات و كان مرشح الأخوان مكتسح تماما بس للأسف كانوا بيعكسوا كل حاجة … الصوت اللى رايح للأخوان يسجلوه لمرشح للوطنى … و الصوت اللى رايح لمرشح الوطنى كانوا يسجلوه للأخوان و فجأة لقينا مرشح الوطنى هو اللى كسب

عضو6أبريل:بس حاجة زى كدا تدينا أيمان أكتر بضرورة التغيير و القضاء على نظام أثقلنا 30 سنة … نحاول نصلح البلد بدل ما نسيبها للحرامية و الهبيشة

[u]رئيس اللجنة[/u]:براحتك يابنى بس لو أتقابنا بعد 20 سنة هفكرك باللى أنا قلتهولك و هتلاقى نفسك ندمان على وقت ضيعته من غير فاية و أما تلاقى اسمك متسجال عند كلاب الدولة مانتش عارف تشتغل و لا تشافر و لا تدخل ولادك أو حتى أحفادك أى كلية عسكرية أو شرطة … و هتلاقيك عايز تضرب نفسك بالجزمة
[u]عضو6أبريل[/u]:ما أعتقدش

[u]رئيس اللجنة[/u]:براحتك .. السلام عليكم

[u]عضو الحركة[/u]:وعليكم السلام

 

تعليقات

Loading...

قد يعجبك ايضا