شباب 6 ابريل
من حق جيلنا أن يجرب فإما أن ينجح و إما أن يقدم تجربة تستفيد منها الأجيال

ماشي ياسيدي ياللي مخربتش البلد ..سؤال ليك انت ايوة انت ..

2٬675

بس سؤال واحد احنا خربناها ازاي ؟؟

احنا اللي طبعنا مع اليهود بعنا الغاز ليهم ونص مصر مش وصلهم الغاز

ولا احنا اللي ماشين ورا امريكا زي الحمار وبنسمع الكلام في كل امور البلاد وبستأذن الاول

ولا احنا اللي سرقنا الاراضي .. ووزعناها على بعض

ولا احنا اللي خلينا 40% من المصريين تحت خط الفقر

ولا احنا اللي خلينا اكثر من 20% من المصريين اميين

ولا احنا اللي سرقنا الاراضي .. ووزعناها على بعض

ولا احنا اللي خلينا 40% من المصريين تحت خط الفقر

ولا احنا اللي خلينا اكثر من 20% من المصريين اميين

ولا احنا اللي خلينا الامن يتعامل كما البلطجي

ولا حنا اللي خلينا الشغل بالوسطة

ولا احنا اللي زورنا في الانتخابات

ولا احنا اللي بعنا البلد للاجانب ( اراضي زراعية – واراضر سكنية – بترول وغاز – وغيره وغيره)

ولا احنا اللي دمرنا كل مرافق البلاد كالصرف الصحي والطرق والكهرباء والمياه … وغيره

ولا احنا اللي منعنا المياه عن مصريين واراضي زراعية لان النظام يفضل ري اراضي الجولف اكثر من الاخرى

سؤال اخر من فضلك …

لما امريكا واوروبا واسرائيل يقومون على تخريب البلاد بتمويل مجموعات من الخونة مثل 6 ابريل والعياز بالله .. لماذا تظل علاقة مبارك سابقاً ومن بعده اتباعه كالمجلس العسكري بهؤلاء بالحج لامريكا واوروبا شهريا على الاقل .. ومحاولة الحفاظ على التمويل السنوي للعسكري .. والحفاظ على العلاقة القوية باسرائيل .. وعدم مقاطعتهم لانهم يقومون على تخريب البلاد من خلال الخونة

قالوا علينا متمولين من بره .. قدمنا بلاغ في انفسنا للتحقيق معانا قالوا نعمل لجنة تقصي حقائق الاول لقوا اللي اتمول ناس تانية خالص

واما طالبنا باعتزار

طلع علينا الرويني بعد طول غياب يقول : احنا متكلمناش عن 6 ابريل احنا اتكلمنا عن افراد في 6 ابريل .. يااااااااااااه على الكلام اللي اتغير

قالوا علينا بنتحرك باجندات اجنبية .. قلنا اقبضوا علينا قالوا استنوا لما نجيب دليل .. فجأة اعلنت حركة احتلوا وول استريت الامريكية اللي هي ضد النظام الامريكي استعانتها با6ابريل المصرية في التدريب على الاحتجاج

قولي حاجه واحده بس تأكد ان احنا اللي خربينها .. على الرغم ان هما اللي مصوا دمها .. و سايبنها خرابة لاهلها

بقلم : محمد محمود احد مؤسسي الحركة اللي خربت البلد

قد يعجبك ايضا
تعليقات
Loading...