“محمد عادل” يكتب من داخل زنزانتة بليمان”طرة” : يا ثورة ما تمت خدها العسكر وطار

"محمد عادل" يكتب من داخل زنزانتة بليمان"طرة" : يا ثورة ما تمت خدها العسكر وطار
1٬304

محمد عادل

 

“محمد عادل” يكتب : يا ثورة ما تمت خدها العسكر وطار
وانا قاعد بفكر في المستقبل اللي مش بينله ملامح زى وضعي اللي انا فيه دلوقتي مثلا ، فكرت ان لما ربنا يكرمني واخلف زى بقيت خلق الله واعيش حياة هادية لما الاقي عيالي جايين بيقولولي هو صحيح يا بابا هو انتوا ليه عملتوا ثورة 25يناير اصل دول حطينلنا في منهج التاريخ ان الثورة كانت بدوافع غربية للتخلص من مبارك وان اللي قاموا بيها اتدربوا في امريكا على قلب نظام الحكم ،وهقولك على حاجة بس ما تزعلشي مني يابابا كاتبين اسمك من ضم الشباب اللي اتدربوا عشان يقلبوا نظام الحكم
ابتسم ابتسامه خفيفة
وانت صدقت يا حبيبي
لا يابابا مستحيل انا قلت ان بابا اكيد مظلوم وعمره ما يقلب على حد ده طيب اوي
هى بقت قلب نظام الحكم تهمة دلوقتي !!
اولا يا حبيبي انا فخور اني من ضم الشباب اللي قلبوا الحكم وفخور اكتر باني احد مؤسسي حركة 6ابريل اللي بيتهموها بالعمالة والخيانة انها ادربت على ايد الامريكان
اسئلة عايزك تسألها لاستاذ التاريخ اللي بيدرسلك دلوقتي
قوله س:اكتب في 3صفحات انجازات المخلوع مبارك !!
س2:اكتب في سطر واحد فقط حجم معاناة الشعب المصري على مدار 30سنة !!
س3:لماذا لم مات مبارك ولم يحاكم حتى موته بل تم عمل له جنازة عسكرية !!!
س4:ما مصدر تسليح الجيش المصري !!
س5:لماذا ينتج الجيش المصري المكرونة ولا ينتج سلاحه !!!
س6:لماذا اصبحت حماس حركة ارهابية واسرائيل دولة ذات علاقات وطيدة معنا !!
س7:لماذا يزور الآن السيسي امريكا اذا كانت العلاقات متوترة كما يدعون !!
س8: لماذا لم يحاكم قيادات الداخلية على قتلهم لمتظاهري 25 يناير حتى الآن!!!
س9:لماذا استمرت التفجيرات حتى الآن اين تفويض السيسي بالامن والامان !!!
س10:سؤال اخير لماذا يدعو النشطاء لجمعة الغضب الموافقة 25 يناير 2021!!

من انقى مكان بمصر
1عنبر سياسي ليمان طرة
محمد عادل العميد ميت

 

تعليقات

Loading...

قد يعجبك ايضا