نجااح اولي فاعلياات حمله الدايره السودااا لشباب 6 ابريل بمسيره بوسط البلد

نجااح اولي فاعلياات حمله الدايره السودااا لشباب 6 ابريل بمسيره بوسط البلد
918

10/ 10 2010 انطلاق أولي فعاليات حمله الدايره السودا بمسيرة انطلقت من وسط البلد..

 

حيث يروي عمرو اسامه عن المسيرة قائلا ” قررنا اننا نروح شارع 26 يوليو من اول محطة العتبة لحد النائب العام في مسيرة مفاجاه واستمرينا في التحرك واحنا بنهتف و وزعنا ما يقرب من 2000 نسخه من بيان انت الحل . انا كنت سعيد جدا بعيون الناس و هي متجاوبه معانا وكنت حاسس اني دي ممكن تقلب بمظاهره لاني تفاعل الناس كان قوي جدا . لحد ما جه عساكر الامن المركزي و قفلوا علينا وفي لحظة بدءت عساكر الامن تتراجع ليهجم مجموعه من البلطجيه و المخبرين و قائموا بضربنا بشده واقتيادنا الي عربيات الترحيلات كان عددنا 27 وكان من ضمننا بنتين . ماكانش في حد خايف الا العساكر و البلطجيه لانهم كانوا خافين ليكون في حد بيصور من القنوات او الجرائد وده كان واضح جدا احنا كلنا كنا بنهتف ضد الظلم و الفساد وضد الغلاء الجميل في اليوم اني كان في تجاوب غير مسبوق من الناس . بعد ما ركبنا عربية الترحيلات ما سكتناش فضلنا نهتف جوه العربية بكل صوتنا يسقط يسقط حسني مبارك كنا حاسسين اني العربية ممكن تتقلب من شده صوتنا . ودي كانت صورتنا احلي حاجه فيها اني الامل كان مالي عيونا وما كانش هاممنا اعتقالنا كنا حاسسين اننا بننجح بنتقدم بنغير بجد . بالنسبالي وبالنسبه لناس كيتر اليوم كان ناجح جدا وياريت لو نقدر نعمله كل يوم مش مهم نعتقل مش مهم ننضرب المهم نكسب شعب.

وصرح أحمد ماهر المنسق العام لحركة 6 إبريل.. أن مسيرة وسط البلد هي مجرد بداية لحملة ضخمة تتضمن وقفات احتجاجية مفاجأة.. وحملات توعية مستمرة للناس بحقهم الانتخابي.. وضرورة مواجهة التزوير في الانتخابات القادمة.. وبالرغم من التشديد الامني نحن مستمرين وهنوصل للجماهير وتوعيتهم وكشف الدواير السودا.. وهذا مانقوم به الفتره القادمه.

 

تعليقات

Loading...

قد يعجبك ايضا