يعنى إيه القلـة المندسـة ؟؟

يعنى إيه القلـة المندسـة ؟؟
3٬165

[b]بقلم : أحمد ماهر[/b]

أكيد سمعت المصطلح ده قبل كده

القلة المندسة..

بتسمعه فى النشره او بتقراه فى الجرايد بعد الاحداث الكبيره

لما بتلاقى تزوير فاضح للإنتخابات و تلاقى ناس بتعترض .. تلاقى حكومة الحزب الوطنى تقولك دول قلة مندسة.

و لما تلاقى ناس تعترض على زيادة الأسعار تلاقى حكومة الحزب الوطنى بتقول فى اجهزة الاعلام إن دول قلة مندسة.

و لما تلاقى ناس بتقف ضد الظلم برضه يقولوك سيبك منهم دول قلة مندسة.

و لما تلاقى ناس بتطالب بحقوق الناس و تفضح فساد رجال اعمال الحزب الوطنى برضه هايقولوك عليهم دول قلة مندسة.

العمال و الموظفين و المدرسين اللى بيطالبوا بحقوقهم كل يوم … هايقولوك عليهم قلة مندسة

و كل الاحزاب و الحركات و التيارات من اليمين لليسار
الوفد و التجمع و الناصرى و الغد و الجبهه
الاخوان المسلمين و كفايه
شباب 6 ابريل
كل التيارات و الافكار
ليبراليين و اشتراكيين و ناصريين و اسلاميين

برضه حكومة الحزب الوطنى بتسميهم قلة مندسة

حتى آلاف العمال و آلاف الموظفين اللى بيعملوا اضرابات كل يوم علشان يطالبوا بحقوقهم المشروعه .. بيقولوك عليهم دول قلة مندسة.

رغم إن الاغلبيه اللى بيزعمها الحزب الوطنى … جايه أساسا من تزوير الانتخابات و البلطجه و استغلال موارد الدوله بطريقه غير مشروعة.

إحنا بقى قررنا نجمع كل القلة المندسة فى مكان واحد

لو انت مندس زينا شارك معانا

لو انت من القلة المندسة اللى بيقولوا عليها … يعنى سياسى معارض من اى تيار و بتعانى من الظلم و الاضطهاد السياسى .. أو حتى ماليكش فى السياسه .. سواء طالب مش لاقى تعليم كويس أو موظف بتقبض مرتب مش بيكفى المواصلات .. أو عامل مهضومه حقوقك
أو مواطن اتعرض للظلم فى التعامل مع ظباط الداخليه.. يبقى انت من القله المندسه زينا.

شارك معانا فى مؤتمرنا

مؤتمر القله المندسه الثالث …الموازى لمؤتمر الحزب الوطنى

تحت شعار

من الأراضى المصرية المحتلة

تعليقات

Loading...

قد يعجبك ايضا