شباب 6 ابريل
من حق جيلنا أن يجرب فإما أن ينجح و إما أن يقدم تجربة تستفيد منها الأجيال

يعنى ايه ثورة!!…. ” نثريه ” .

1٬575

يعنى ايه ثورة؟؟ : بقلم احسان سلطان

يعنى شهدا يروحوا بلا عدد لاجل الوطن يكحل عيونه بدمهم..

ومصابين بالالاف لاجل الوطن يفك سجنه بجرحهم..

وشباب يضحى يعيونه لاجل الوطن يفتح عنيه يشوف الضى بنورهم..

قام ركب الثوره نواب مافيش دم عند امهم..

يعملوا عمليات تجميل لأنفهم..

ويقولوا::

كانو عايزين يغتالونى يابيه كلهم..

ضربونى فى وشى برجلهم..

وانا جاى هنا اسيحلهم..

قام لبس خاذوق يفضح كذبهم..

ياترى ياشعب لسه مستنى خير منهم؟؟

وشرطه لاجل ما تحفظ امننا جابولها”مروى ترقص له

قالو عشان ترفع الروح المعنويه لامه

اللى كسرها قتلهم وتعذيبهم فى ولاد ارضهم..

ياترى ياشعب لسه واثق فى امانهم وامنهم؟؟

وشاب ثائر دخل البرلمان غصبن عنهم..

شاف نواب متسلسلين بعجزهم وبصمتهم..

وشاف الدم بنزف. راح صرخ قال

ان اللى قتل هوالحمار كبيرهم..

وبدل ما يقولوا اى نعم!! قالوله”اجلس”انت غير محترم!!

انت محال للجنة قيم.. لا تعرف الا عبادة الصنم.. من اسميته”بالحمار “زعيمهم..

وفى البرلمان فى كلب بينبح بصوت عالى ويصم..

قال “البرادعى عميل وخاين”قاموا سقفوله كلهم

ليه ياشعب.. جالك قلب تسلم ثورتك لهم؟؟!

وقالك لايمكن ننبطح ا قام انبطح بكل عار للامريكان.. واحترفوا علينا الاجرام

والانجليزى طلع حرام.. والداخليه شرفا وكرام.. والثوار ولاد حرام

واللى يقول غير كدا.. تتطبق عليه الائحه..

لائحة وضعها النظام..لاجل ما يخرس الالسنه ويقصف الاقلام..

بيقولك كان فى ثوره عشناها ايام.. ايد واحده واتحدينا كل الانام.. وفكرنا انه انتصرنا ..قام شعبا راح جرى نام..

ولما صحى.. لقى الثوره بتغتصب.. لا انتفض ولا حتى زام ..

بصلها كدا بعين وعين ..وزعقله زعقتين.. دا لايمكن ابدا يكون ..

بعدين .. شد لحافه تانى.. وقال..النوم سلطااااااان..

قد يعجبك ايضا
تعليقات
Loading...